19 маусым күні кітапханамыздың шаңырағында жаз айларының демалыс күндеріне арналған «Кітапханадағы жаз» акциясы аясында оқушылардың шығармашылық қабілетін, актерлік шеберлігін шыңдау мақсатында құрылған «Театрланған демалыс» алаңында орыстың халық ертегісі «Шалқан» қойылымын ұйымдастырды.
Бұл қойылымға ЖББОМ №58, 63 және №3, 93 мектеп гимназиясының жанынан құрылған жазғы лагердің оқушылары қатысты. «Шалқан» ертегісінің қойылымы барысында балалар өз өнерлерін ортаға салды. Айта кететін болсақ қойылымға қатысып, актерлік шеберлігін алға тартқан;
Шалқанның рөлінде: Дайзель Сергей, Якубенко Ярослав
Атай: Лузиков Захар, Пономарев Дима
Әжей: Маликова Сабина, Греб Эвелина,
Немересі: Жукова Диана, Чалова Аня
Жучка ит: Шалимова Алла, Чербинов Максим
Мысық: Пичугина Милана, Кулиева Наргиз
Тышқан: Галюневич Арина, Мубарак Жансая.
Қойылым барысында оқушылардың ертегілерді көп оқитындары байқалды. Рөлдегі кейіпкерді нақышына келтіріп сомдаған: ата рөліндегі Лузиков Захар, немересі Чалова Аня, тышқан Галюневич Арина. Демалысымызды әрі қарай «Жанұяңды тап» және «Сен кімсің?» ойындары жалғастырды. «Жанұяңды тап» ойыны барысында оқушылар жануарлардың қимыл қозғалысын келтіріп, өз отбасын тауып жатты. «Сен кімсің?» ойыны тартымды да, қызықты өтті. Бұл ойында беттеріне киген маскадағы жемістердің атауын дәл тауып жатты. Біздің кітапханада демалыс күндерін қызықты оқиғалармен толықтырып, шығармашылық жетістіктерін арттырған оқушылар үлкен ризашылықпен қоштасты.
Comments