Құрметті оқырмандар!
Қазақ поэзиясының жарық жұлдызы, өр рухты ақын Қасым Аманжолов – өз жырларымен халқымыздың еркіндікке деген құштарлығын, туған жерге деген шексіз сүйіспеншілігін асқақтата жырлаған тұлға. Оның шығармашылығы – ұлттық рухтың биік үлгісі, өшпес мұра.
2011 жылдан бері Н.В. Гоголь атындағы Қарағанды облыстық әмбебап ғылыми кітапханасы «Сен неткен бақытты едің, келер ұрпақ...» атты Қасым оқуларын ұйымдастырып келеді. Бұл жоба – ақын мұрасын насихаттаудың жарқын көрінісі, келер ұрпаққа қалдырылған асыл аманат. Сонымен бірге кітапхананың ақынның 100 жылдық мерейтойына арналған «Қыран қанатты ақын» шағын сайты оқырмандардың сұранысына ие.
Биыл Қарқаралы ауданындағы Қасым атындағы жалпы орта мектепке 70 жыл толып отыр. Осы мерейтойға орай, біз ақынға арналған арнайы «Қасым жыры – халық мұрасы» виртуалды бөлімді ұсынамыз. Мұнда Қасым Аманжоловтың өмірі мен шығармашылығы, музей жәдігерлері, фотосуреттері мен естеліктері жинақталған.
Осы шағын сайт арқылы Сіз Қасым жырларының қуатын сезініп, ақын әлеміне жақындай аласыз.
Қош келдіңіздер!