Жазушының кітапқа енген әңгіме-хикаяттарының мазмұны қою. Жазушы қаламы көне дәуірлерге барлау жасап, халық зердесіндегі – Асан қайғы, Жиренше шешен, Атымтай жомарт, Қожанасыр және Алдар көсе бейнелерін шынайы шыншылдықпен сомдаған. Хикаяттарының бас кейіпкерлері – ақиық ақын Сәкен, күйші Сайдалы сары Тоқа, Әбікен Хасенов. Басқада шығармаларында ел өмірінің бүгіні мен кешегісі көркем тілмен шебер суреттелген.

Кітап Қарағанды облысы әкімдігінің бастамасымен іске асқан жергілікті жазушылар мен ақындардың шығармаларын топтастырған «Сарыарқа кітапханасы» сериясымен жарық көрді. Облыс әкімдігінің және «Фолиант» баспасының өзара келісімімен сегіз жүз дана тиражбен шықты.