Алматыдағы «Жазушы» баспасынан екі мың данамен шыққан бұл кітап – соғыс жылдарынан соң ауыл өмірін, күйреген шаруашылықты қалыптастыру кезеңін тілге тиек етеді. Бұрқақ – ол табиғаттың ғана кезеңдік құбылысы емес, адам жаныныңбұрқағы: әділетсіздікке, қиянатқа төзбестіктен туған жүрек бұлқынысы. Майданнан ауыр жараланып келген Ахтан ел ішіндегі кейбір әлеуметтік теңсіздіктерге қарсы білек сыбана кіріседі, алайда трагедиялық хал кешіп, бұл жарық дүниеден қайтпас сапарға аттанады.