Биыл Қарағанды облысының мәдени өмірінде айтулы оқиға – Н.В. Гоголь атындағы Қарағанды облыстық әмбебап ғылыми кітапханасының 90-жылдық мерейтойын атап өтеді.
15 наурыз күні оқу залдары бөлімінде «Менің өмірімдегі кітапхана» атты алғашқы мерекелік кездесу өтті.
Шақырылған қонақтар екі негізгі сұраққа жауап берді: «Сіздің өміріңіздегі кітапхана», «Кітап сізге шығармашылық жоспарларды жүзеге асыруға қалай көмектеседі?». Іс-шараға біздің кітапханамен бұрыннан ынтымақтастық қарым-қатынастағы қонақтар қатысты. Олардың көпшілігі кітапхана қорына өз кітаптарын сыйға тартқан, оның ішінде: оқулықтар мен оқу құралдары, жинақтар мен монографиялар.